Mii ohcat rektor
Sámi joatkkaskuvllaid stivra ohcá rektora Sámi joatkkaskuvlii ja boazodoalloskuvlii Guovdageainnus, go min dálá rektor manná ealáhahkii 2021 geasi.
Sámi joatkkaskuvllat
Sámi joatkkaskuvllat leat Sámi joatkkaskuvla ja boazodoalloskuvla Guovdageainnus ja Sámi joatkkaskuvla Kárášjogas. Stáhta eaiggáduššá skuvllaid, ja dain lea oktasaš stivra, muhto sierra hálddahusat ja jođiheapmi. Sámi joatkkaskuvllaid stivra lea vuollásaš ja etáhttastivrejuvvon Oahpahusdirektoráhtas. Skuvla lea rabas buot ohppiide miehtá riikka ja miehtá SÁMI. Min višuvdna lea ahte ohppiin geat gerget min skuvllas, galgá leat nana máhttu man vuođđun lea sámi kultuvra ja servodat. Skuvllat galget váikkuhit dasa ahte sámi nuorat nannejit ja ovdánahttet sámi identitehta, giela ja kultuvrra. Sámi joatkkaskuvllaid oktasaš mihttun lea fállat ohppiide oahpahusa mii ráhkkanahttá sin birget sihke sámi, dáčča ja riikkaidgaskasaš servodagas. Sámi joatkkaskuvla ja boazodoalloskuvla Guovdageainnus lea áidna álgoálbmotskuvla máilmmis joatkkaskuvladásis mii lea akkrediterejuvvon WINHEC (The World Indigenous Nations Higher Education Consortium) skuvlan. Sámi joatkkaskuvla Kárášjogas ozai 2021 geasi akkrediterema WINHEC skuvlan. Skuvllaid oahpahus čuovvu sámi Máhttoloktema, ja fágaođasteami mii vuolggahuvvui 2020 čavčča.
Sámi joatkkaskuvla ja boazodoalloskuvla Guovdageainnus
Skuvllas leat 115 oahppi ja sullii 54 bargi. Oktiibuot lea skuvllas viiddis ja buorre fágafálaldat ohppiide. Lassin oahpahussii sámegielas ja sámegillii, ja sámegiela deattuheami buot fágain, leat skuvllas guokte riikkaviidosaš linjjá boazodoalus ja duojis. Skuvla fállá gáiddusoahpahusa eará skuvllaide miehtá riikka.
Guovdageidnui galgá huksejuvvot ođđa joatkkaskuvla mii galgá leat seamma visttis go Beaivváš Sámi Našunála Teáhter. Skuvllas lea juo buorre ovttasbargu teáhteriin. Mii sávvat ahte ođđa visti lea gárvvis skuvlajahkái 2025/26. Skuvla lea maid bargame dan ala ahte dohkkehuvvot fágaskuvlan boazodoalus ja duojis.
Rektorin dus lea čuovvovaš ovddasvástádus ja váldobarggut:
Rektoris lea bajimus ja juridihkalaš ovddasvástádus skuvllas. Rektor jođiha skuvlla pedagogalaš barggu ja fálaldaga ohppiide, ja sus lea bajimus ovddasvástádus dasa ahte oahppit ožžot dan kvalitehta oahpahusas mii lohpiduvvo Oahpahuslágas. Váldobarggut leat:
- Jođihit ja ovdánahttit skuvlla servodatbarggu namas, dása gullá maiddái skuvlaeaiggáda mihttu ja višuvdna
- Fátmmasteami ja mielváikkuheami bokte sihkkarastit buori bargobirrasa – ja fátmmasteaddji oahppanbirrasa
- Jođihit ja ovdánahttit profešuvdnaoktavuođa
- Sihkkarastit organisašuvdnakultuvrra skuvla árvovuođu mielde
- Jođihit skuvlla strategiija-, prošeakta- ja ovdánahttinbargguid
- Fuolahit buori siskkáldas hálddahusa, stivrema ja bearráigeahču skuvlla doaimmas, dás maiddái ekonomiijas, HMS, bargiidjođiheamis ja bargiidhálddahusas.
- Láhčit dili fágaidrasttideaddji ovttasbargui, siskkáldasat ja olggos guvlui
- Ovddasvástádus searvat ođđa skuvlla huksenproseassas
Gelbbolašvuođagáibádus
- Relevánta mastergrádaoahppu dahje vástideaddji oahppu
- Relevánta jođihanvásáhus, vuosttažettiin skuvlajođiheamis
- Pedagogalaš gelbbolašvuohta ja oahpahanvásáhusat, áinnas joatkkaskuvllas
- Máhttu almmolaš suorggi birra, dás maiddái relevánta lágaid ja šiehtadusaid birra
- Vásáhusat ekonomiijastivremis
- Buorre digitála gelbbolašvuohta
- Buorit čálalaš ja njálmmálaš ovdanbuktinnávccat sámegielas ja dárogielas
- Dovdat sámi servodatdiliid
Persovnnalaš attáldagat
Don leat fátmmasteaddji ja čohkkejeaddji jođiheaddji guhte hukset oadjebasvuođa iežat bargiidjođiheami ja fágalaš bagadallama bokte. Sihke siskkáldasat ja olggos guvlui don nákcet hábmet buori ovttasbargobirrasa. Don leat innovatiiva ja don duosttat ja háliidat bargat ovdánahttinbargguid, ja sihkkarasttát čađaheami strategalaš, ulbmillaš ja systemáhtalaš barggu bokte.
Virgádeamis deattuhit persovnnalaš attáldagaid.
Mii fállat
- Dehálaš rolla sámi identitehta, giela ja kultuvrra nannemis ja ovdánahttimis – našuvnnalaččat ja riikkaidgaskasaččat
- Hástaleaddji ja miellagiddevaš jođiheaddjivirggi man bokte sáhtát ovdánit persovnnalaččat ja fágalaččat
- Áŋgiris bargobirrasa čeahpes mielbargiiguin
- Fágaidrasttideaddji ovttasbarggu vásáhus- ja gelbbolašvuođalonohallama várás Sámi joatkkaskuvllain Kárášjogas ja eará skuvllaiguin, ja maiddái oktavuohta oahppoásahusaiguin álgoálbmotfierpmádagas WINHEC
Bálká- ja bargoeavttut
Virgi bálkáhuvvo Stáhta regulatiivva mielde virgekodas 0953 Rektor bálkádávgi 82-87.
- Bálkkás gessojuvvo 2% máksu Stáhta penšunkássii
- Buorit loatna- ja penšunortnegat Stáhta penšunkássas
- Buohkaide geat orrot Finnmárkkus ja Davvi-Romssas guoská oahppoloana sihkkunortnet Stáhta loatnakássas 10 % jahkái, gitta 25.000 ru rádjai, ja sierra vearrogeasus
Mii oaivvildit ahte fátmmasteapmi ja girjáivuohta lea givrodat. Mii háliidit mielbargiid geain lea iešguđetlágán gelbbolašvuohta, fágakombinašuvnnat, eallinvásáhusat ja perspektiivvat mat váikkuhit vel buoret doaibmačoavdima. Mii áigut heivehit bargodili mielbargiide geat dan dárbbašit. Heiveheamit sáhttet ovdamearkka dihte leat teknihkalaš veahkkeneavvut, viessogálvvuid heiveheapmi dahje rutiinnaid, bargguid ja bargoáiggi rievdadeapmi.
Virgádeapmi dáhpáhuvvá gustovaš lágaid, njuolggadusaid ja šiehtadusaid vuođul.
Virggis lea 6 mánu geahččalanáigodat.
Ohcan
Ohcan sáddejuvvo elektrovnnalaččat liŋkka bokte dán siiddus ja das galget čuovvut:
- Ohcanreive
- CV – oahpuid ja bargovásáhusaid deavddát elektrovnnalaš skovvái
- Oahppo- ja bargoduođaštusat galget biddjot mielddusin
Politiijaduođaštus Oahpahuslága mearrádusaid vuođul gáibiduvvo ovdal go álggát virgái.
Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii. Dan birra dieđihuvvo.
Gulahallan
Jus háliidat eanet dieđuid virggi birra, de váldde áinnas oktavuođa stivrajođiheddjiin Ingrid Hernes, tel. 974 88 980, dahje min ovttasbargoguimmiin Bedriftskompetanse AS Mailinn Friis, tel. 452 04 925.
Ohcanáigemearri
26. njukčamánnu 2021
Gielda
Guovdageaidnu-Kautokeino
Viidodat
Ollesáiggis
Bistin
Fásta
Bargobáiki
Samisk videregående skole og reindriftsskole
Eanet barggut Sámi joatkkaskuvlla ja boazodoalloskuvllas Guovdageainnus